komm on!

vísa til fyrri færslu í dag ... hvað er í gangi með þessa blaðamenn?

Ætli þeir þurfi ekki að fara að borga einhverskonar "stefgjöld" af þessum endursögnum?

Samið við norræna seðlabanka?

hvað er eiginlega með íslensku viðskiptapressuna ...

... lepur upp þessa frétt af erlendum miðlum, en sagan hefur verið í gangi frá því a.m.k. í byrjun mars þegar svona venjuleg húsmóðir í vesturbænum barst hún til eyrna ... á göngu á Ægíssíðunni!

Eru ekki ein 3 viðskiptablöð í gangi á þessu landi?

Upp með sokkana pressumenn!!!

Allir taka skort í Íslandi

Lækkandi útgjöld

Nei sko.

Heildarútgjöld til heilbrigðismála voru ríflega 10% á árunum 2002-2003 sem hlutfall af landsframleiðslu. Árið 2005 var talan 9,5%, árið 2006 9,25% og nú í fyrra sumsé 9,2%

Var ekki einhver að tala um útgjaldaaukningu?

 

9,2% af landsframleiðslu til heilbrigðismála

Hvaða breytingar?

Hvað er það sem VG vill? Það væri fróðlegra að heyra það en upphrópanir og stöðugreiningu í æsingatón.

Annars eru starfslok Magnúsar Péturssonar óheppileg á þessum tímapunkti og það er ekki heppilegt að ráðherranum hafi haldist á honum þar til nýr forstjóri verður ráðinn. Orðið á göngum spítalans hefur verið frá því í september að Magnús væri á útleið. Það er ekki gott að halda svo stórri stofnun í óvissu. Magnús segir í Fréttablaðinu að hann hefði fengið fréttir af "fyrirhuguðum breytingum" og þær svo staðfestar í gær. Hvaða breytingar eru það, bara starfslok hans og Jóhannesar eða er eitthvað fleira í kortunum? Ráherrann verður að vera skýr.

Að vera forstjóri LSH er ekki fyrir hvern sem er. Það er afar flókið og vandasamt og krefst leiðtogahæfileika og gríðarlegrar stjórnvísi. Skilst að Ásdís Halla hafi vísað þessu frá sér og reyndar hefur heyrst að fleiri hafi gert hið sama.

Ég hvet efirtalda til að sækja um (random order);

Guðfinnu Bjarnadóttur

Svöfu Grönfelt

Dag B. Eggertsson (sénsinn að Guðlaugur ráði hann, en jæja)

Þórólf Árnason

Svo sæki ég auðvitað um sjálf, nema hvað

 

 

VG segir heilbrigðisstofnanir í spennitreyju

Fyrirséð niðurstaða

Bjóst einhver við öðru en að Vilhjálmur sæti áfram? Svona í alvöru?

Hann segist vinna í þágu flokksins og borgarinnar. Það er eitthvað svo holur hljómur í því hjá honum. Vilhjálmur hefur fram að þessu - í þessu moldviðri - ekki haft þá hagsmuni að leiðarljósi. Af hverju ætti það að hafa breyst? Sumir segja að ástæaða þessarar niðurstöðu sé sú að ekki sé samstaða um annað í borgarstjórnarflokknum. Það má vel vera, en ég held að það sé tilviljun.

En ég fagna þessari niðurstöðu - aftur. Þetta er óskaniðurstaða þeirra sem vilja Sjálfstæðisflokkinn aftur úr borgarstjórn.

„Hef hvorki brotnað né bognað“

Nýjasta nýtt!

Ég er áhugamanneskja um hótel. Þegar ég ferðast legg ég mikið upp úr því að hótel sem ég gisti á séu góð, vel staðsett og henti tilgangi ferðarinnar og ferðafélögum. Fátt finnst mér skemmtilegrea en að takast vel upp í vali hótels. Ég les alltaf vandlega ferðabæklinga fyrirtækja í ferðaiðnaði hér á landi og finnst þeir alltaf jafnlélegir. Hins vegar fylgist ég með hótelrýni á ýmsum stöðum í netheimum og það er auðvitað mis gott. Ég á nú ekki mörg áhugamál, en þetta kemst sennilega næst því - að spá og spekúlera í hótelum. Ég hef líka haldið saman punktum um hótel sem ég hef gist á síðustu ár og þau eru þó nokkur.

Ég hef því ákveðið að hafa hótel-rýni hér á síðunni - hér efst hægra megin - og vona að einhver geti nýtt sér.

Frábærar fréttir!

Ef rétt er segi ég nú bara kærar þakkir Vilhjálmur! Augljós stórsigur Samfylkingar í Reykjavík að nokkrum misserum liðnum. Olé!

Vilhjálmur ætlar að sitja áfram

LSH vs Kaupþing

Nú veit ég svo sem ekki hversu sanngjarnt er að deila rekstrarkostnaði niður á starfsmenn. En ef við gefum okkur að það segi manni eitthvað þá er skemmtilegt að bera saman þær tölur milli Landspítala-Háskólasjúrahúss og Kaupþings. Reyndar eru tölur fyrir árið 2007 ekki tilbúnar fyrir LSH, en ef við berum saman árin 2006 hjá LSH (á verðlagi ársins 2007) og árið 2007 hjá Kaupþing þá er þetta niðurstaðan;

	LSH	Kaupþing
	2006	2007
Fjöldi starfsmanna	3.865	3.019
Rekstrarkostnaður	31.697.155.000	76.380.700.000
Rekstrark. pr. starfsmann	8.201.075	25.300.000

Inn í rekstrartölum spítalans er allur rekstrarkostnaður, þ.e. laun, lyf og tækjabúnaður. Laun eru u.þ.b. 70% af rekstrarkostnaði LSH. Þess má einnig geta að rekstrarkostnaður spítalans jókst um 1,8% á milli áranna 2005 og 2006. Rekstrarkostnaður Kaupþings mun hafa aukist um 30% milli áranna 2006 og 2007.

Okei, þetta eru auðvitað epli og appelsínur og allt það. En allt í sömu ávaxtakörfunni, eða hvað?

Rekstrarkostnaður: Helmingur af fjárlögum

Lofaður sé Allah

Eldri dóttirin á vinkonu hvers foreldrar eru frá Pakistan. Þau hafa búið hér í um 10 ár held ég. Í gær fékk hún að fara með vinkonunni í moskuna. Fór í "sunnudagaskólann" þeirra. Yfir sunnudagsmatnum sagði hún okkur foreldrunum frá því sem hún lærði. Henni var gríðarlega létt þegar henni vitnaðist að Allah er í raun og veru sami guð og hennar Guð. Hún var svo fegin, því úr því þetta er sami guðinn þá er öruggt að þær vinkonurnar hittast á himnum þegar sá tími kemur og getað leikið í eilífðinni saman.

og ekki einu sinni "skammist ykkar"

Mikið er nú gott að vera ekki í ríkisstjórn. Ekki misskilja mig, ég er afar ánægð með ríkisstjórnina. En ég vildi ekki vera í henni. Það virðist nokkurn vegin vera sama hvert útspil hennar er, alltaf skal mannskapurinn skammast. Þegar ríkisstjórnin brást við niðurskurði í aflaheimildum með margra milljarðra inngjöf víða um landið var það annað hvort of lítið eða vitlausar áherslur en helst bæði. Núna kemur 20 milljarða útspil (sem btw eru skattpeningarnir okkar) í tengslum við kjarasamninga. Ég ætla nú svo sem ekki að biðja menn að falla fram í lotningu yfir því, en meðan aðilar á vinnumarkaði eru lofaðir í hástert segir enginn svo mikið sem "skammist ykkar" við ríkisstjórnina.

Mér finnast þessir samningar skrambi góðir - og það er öllum aðilum þeirra að þakka.

20 milljarðar í aðgerðirnar