Leita í fréttum mbl.is

Á eyjunni

farin á eyjuna, takk fyrir mig :-)

 

husmodirivesturbaenum.eyjan.is


Þessi könnun er mögnuð

VG stærri en Sjálfstæðisflokkurinn ... Það er alveg rosalegt, flokkurinn hlýtur að verða að taka á þessu, þó Geir hafi áhyggjur af örum tölum. Það er auðvitað þvaður, formaðurinn Á að hafa áhyggjur af þessum tölum.

Í raun er fátt í vegi fyrir því að Heimastjórnarflokkurinn geti nú gert kúpp og kippt VG uppí. Nema hvað það væri auðvitað glapræði fyrir VG, þeir myndu einfaldlega sogast með Sjálfstæðisflokknum niður í hyldýpið. Steingrímur þarf bara að sitja á sér núna og hann munn leiða flokk sinn til stórsigurs í næstu kosningum. VG verður í næstu ríkisstjórn, það er bara spurning um hver fær að vera memm.


mbl.is Fylgi VG meira en Sjálfstæðisflokks
Tilkynna um óviðeigandi tengingu við frétt

Já, fínt!

Hér verða vafalaust margir til að níða skóinn af manninum.

En þetta er bara skratti flott hjá Finni. Meira svona takk.


mbl.is Bað um launalækkun
Tilkynna um óviðeigandi tengingu við frétt

Hvur rækarlsins röndóttur!

Nú þarf að bregðast við skjótt.

Það sem er að gerast er að bretar eru að selja eignir Landsbankans og munu nota peninginn til að láta ganga upp í eigin skuldbindingar vegna þessara Icesafe-reikninga. Ábyrgðin nemur 50þús evrum og þær fyrstu 20 eru á íslenska ábyrgð. Bretarnir eru sumsé að nýta sér hryðjuverkalöggjöfina til að þurfa ekki að standa nema hluta skuldbindinga sinna, en taka þær bjargir sem Ísland hafði í málinu með þessum ólögum sínum.

Þorskastríð my foot!


mbl.is Bretar selja eignir Landsbanka
Tilkynna um óviðeigandi tengingu við frétt

Var ekki einhver að tala um leka til FT?

Ég giska á að þarna sé hann fundinn.

Ekki skrítið að Agnes Braga hafi orðið fúl ...

En maður spyr sig. Úr því þetta voru allt svona miklir óreiðumenn og DAO löngu búinn sjá þetta allt saman ... af hverju lánaði hann þessum götustrákum og pörupiltum peningana mína? Og er búin að koma Seðló í þrot fyrir vikið.


mbl.is Davíð: Varaði ítrekað við að bankar væru í hættu
Tilkynna um óviðeigandi tengingu við frétt

Svolítið fyndið

Ég verðu nú að segja að heyra "Við munum ekki láta kúga okkur" úr munni Geirs Haarde er fyndið. Eða grátlegt, veit ekki hvort.

Þetta er maðurinn sem sætir mestu opinberri kúgun og niðurlægingu sem maður hefur lengi séð. DAO er með Geir í stuttri ól yfir Arnarhólinn.

Það er kannsi ekki alveg satt að það sé langt síðan að ég hafi séð svona kúgun. Það var raunar bara í Apríl. Þá var ég í Kína og hitti mikið af frábærum og velgefnum Kínverjum. Þeir voru margir úr stjórnkerfinu og mjög hlyntir markaðsvæðingunni og uppbygginunni sem þar er. En þegar talið barst að MAO þá var hreinlega eins og menn drægju hulu eða rúllugardínu fyrir andlitið. Þeir voru þarna og heyrðu ... og vissu - en töldu sig ekkert geta sagt eða gert. Slík var kúgunin. Þeir voru þarna fyrir framan mann og maður sá allt fyrir neðan háls ... en rúllugardínan var fyrir helstu skilnigarvitum.

Það var svoleiðis gluggabúnaður sem maður sá í Kastljósinu í gær þegar Geir var spurður um traust til Seðlabankans.

Ég tel að þarna hafi Geir skrifað flokkinn sinn út úr ríkisstjórninni og boðað til kosninga. Hann hefði betur dregið frá.


mbl.is Við munum ekki láta kúga okkur
Tilkynna um óviðeigandi tengingu við frétt

Óreiðumenn í Seðlabankanum?

Kannski ættu þessi fjármálafyrirtæki að neita að borga? Það er örugglega góður skilningur á því hjá SÍ.

Það lítur út fyrir að SÍ sé að verða tæknilega gjaldþrota. Skilanefnd hlýtur að verða skipuð fljótlega.

Við getum auðvitað ekki haft óreiðumenn þarna.


mbl.is Fjármálafyrirtækin í vanda
Tilkynna um óviðeigandi tengingu við frétt

Hafa fleiri en ég tekið eftir því ...

... að allar fréttir (nánast) sem af þessu máli er að hafa, koma frá erlendum fjölmiðlum?

Annað hvort eru raðirnar í ríkisstjórninni og ráðgjöfum þeirra þéttari en sumir reyna að segja okkur eða að fjölmiðlar hér séu ekki nógu naskir.

Er hugsanlegt að fjölmiðlar hér séu uppteknari af smámálum, eins og t.d. blæbrigðamun í málflutningi ráðamanna? Það er auðvitað auðveldara að fjalla um slíkt, þar eru menn á heimavelli.

Það er kannski ósanngjarnt að segja þetta og ég bið vini mína í fjölmiðlastétt afsökunar ef þetta er rangt. En mér finnst þetta óneitanlega merkilegt.

En ef fréttin er rétt þá fagna ég því að málið sé komið á alvöru rekspöl.

 

P.s. Haldið ykkur fast. Davíð mun ekki fagna þessu. Það verða einhverjar eiturgusur úr Svörtuloftum næstu daga.


mbl.is Óska eftir 6 milljörðum dala
Tilkynna um óviðeigandi tengingu við frétt

Hver er framtíðarsýn þeirra ...

 

... sem útiloka IMF

... þvæla um Rússalán sem augljóslega var delerí

Er það framtíðarsýn Ragnars Önundarsonar (og einhverra trúnaðarvina hans)? Segjum okkur úr samfélagi siðaðara þjóða (með einhverjum aumum séríslenskum lagabókstaf) og gerum út á áttæringum frá Gróttu.

 


mbl.is Rússar vilja meiri upplýsingar
Tilkynna um óviðeigandi tengingu við frétt

já ok ... en lausnirnar

hans Ragnars skjóta okkur aftur til 1930. Eða 1900.

Frekar en að rétta stöðu okkar með því að fá aðstoð IMF eða ég tala nú ekki um skoða ESB, stakk Ragnar upp á útgerð áttæringa frá Gróttu! Það er í sjálfu sér í samræmi við afleiðingar þeirrar framtíðar sem lausnir hans boða; aftengja okkur alþjóðasamfélaginu og neita að standa við skuldbindingar. Takk, en nei takk.

Hins vegar er klárt mál að Ragnar hafði rétt fyrir sér (eins og reyndar svo margir aðrir) og mér fannst fyrri hluti viðtalsins við hann áhugaverður. En þetta er ekki maður framtíðarinnar. Allavega ekki minnar.


mbl.is Ragnar: Ríkið stendur ekki undir skuldbindingum
Tilkynna um óviðeigandi tengingu við frétt

Næsta síða »

Höfundur

Anna Sigrún Baldursdóttir
Anna Sigrún Baldursdóttir
Anna er alvöru húsmóðir í vesturbænum og því til staðfestingar kaupir hún reglulega Martha Stewart Living

Færsluflokkar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband