Moggi hleypur á sig ... eða þýlyndi?

... eða hvernig í ósköpunum getur sá breski misskilið kollega sinn svona hrapalega.

Það er til afrit (transscript) af þessu samtali og það þarf að birta. Það virðist sem Árna hafi ekki tekist að róa Darling (sem var taugaveiklaður vegna ástandsins heima fyrir) og sá síðarnefndi ákveður að hafa orð Seðlabankastjórans fyrir frekara satt.  Enda seðlabankastjóri afar skýrmæltur í málinu.

Moggi hefur ekki unnið heimavinnuna nógu vel, þetta átti að liggja fyrir þegar fréttin fór í loftið.

Hins vegar hlýtur að sæta furðu að Árni skuli til í að taka þennan slag fyrir Foringjann. Seðlabankastjórinn er óhæfur, hvað sem þessu máli líður. Hins vegar virðist sem Árni sé til í að taka einhver högg fyrir hann, jafnvel þó það kunni að kosta dýrkeyptar milliríkjadeildur.

 Þetta sannar hversu ofboðslega mikilvægt er að menn gæti orða sinna við þessar eldfimu aðstæður. Það gerði Davíð Oddsson svo sannarlega ekki og Árna tókst ekki að bera klæði á vopnin. Það er í raun óhæfa að Árni skuli ekki hafa gengið úr skugga um að enginn misskilningur væri á ferð. Það eru alvarleg afglöp.

 Djöfull verður Davíð dýr allur.

„Sagði honum að við stæðum við yfirlýsingar“

Athugasemdir

[corvus corax, 9.10.2008 kl. 15:01]

Árni er vanur að vinna skítverkin fyrir aðra sem veita honum skjól í ráðherrasæti. Hann framkvæmdi heimskulegustu vinagreiðaráðningu fyrir BB og Ceaucescu í Bleðlabankanum ef einhver skyldi vera búinn að gleyma því.